Սեսկ Ֆաբրեգասը վերադարձավ հայրենի ակումբ: Բարսելոնան Լոնդոնի Արսենալից գնեց Իսպանիայի հավաքականի կիսապաշտպանին եւ նրա հետ կնքեց հինգ տարվա պայմանագիր: Բարսելոնայի նախագահ Սանդրո Ռոսելը հայտարարել է, որ Ֆաբրեգասի իրավունքի համար վճարվել է 29 միլիոն եվրո: Իսկ պայմանագրում նշվում է, որ Ֆաբրեգասին Բարսելոնայից գնելու համար անհրաժեշտ է վճարել 200 միլիոն եվրո, հաղորդում է Sovsport-ը:
Ֆաբրեգասը հանդես կգա 4 համարի մարզաշապիկով եւ խաղադաշտ կարող է դուրս գալ արդեն օգոստոսի 17-ին, Իսպանիայի Սուպերգավաթի Ռեալի հետ պատասխան խաղում: