Տեսնելով ինձնից 7 տարի փոքր եղբորս մանկությունը, մի պահ փորձում եմ հիշել իմը: Այն ժամանակ իսկապես անհոգ էր մեր մանկությունը: Այն ժամանակ մեր միակ մտածմունքը ուտելն ու բակում խաղալն էր: Հիշում եմ ինչպես էի ամեն օր լաց լինում, երբ մայրիկս ցերեկը պարկեցնում էր քնելու: Խնդրում էի նրան անել ցանկացած բան, միայն թե չքնեի: Հիմա, երբ եղբորս ասում ենք, որ գիրք կարդա կամ մի ուրիշ օգտակար բանով զբաղվի, սկասում է նվնվալ և ցանկանում է քնել: Ընդամենը մի քանի տարի առաջ կյանքն ավելի լավն էր, քան այժմ: Ինձ համար դրա միակ պատճառը համակարգչի տարածումն է: Շատերը կարող են ինձ հետ չհամաձայնվել, բայց փորձեք կարդալ մինչև վերջ:Առաջ երեխաները ժամանակից շուտ չէին մեծանում: Փոքր տարիքում չէին իմանում այնպիսի բաներ, որոնք պետք է հասուն մարդ լինելուց հետո իմանային: Չէին մտածում ինչ հագնել տվյալ օրը, որպեսզի չկրկնվեին:
Այն ժամանակ մեզ բոլորովին էլ չեր հետաքրքրում մեր արտաքինը: Հիշում եմ՝ ինչքան ուրախ էր անցնում բակում ընկերների հետ խաղալը: Այն ժամանակ բոլորով մաքրում և ծառեր էինք տնկում մեր բակում, իսկ հիմա երեխաները այդ ամենն անում են համակարգչով << ֆերմա>> կոչվող տարբեր խաղերում: Մի քանի տարի առաջ մենք Վարդավառին ջուր էինք լցնում իրար վրա, իսկ այժմ` մի շատ անիմաստ խաղում, մարդիկ լոլիկ են նետում իրար վրա: Առաջ մենք պահմտոցի էինք խաղում, իսկ հիմա դրա փոխարեն Counter Strike են խաղում: Միայն, թե ի տարբերություն պահմտոցիի՝ այս խաղում ընկերոջդ գտնելուց հետո պետք է սպանես նրան: Այն ժամանակ բոլորիս սիրած խաղերից մեկը բռնոցին էր: Հիմա դրան փեխարինելու է եկել Gta-ն: Բիլիարդը, նարդին, թղթախաղը, ճատրակը և մի շարք հին ու լավ խաղեր դարձել են online:
Դա դեռ հասկանալի է: Բա ընկերությունն ու մարդկային հարաբերությունները ինչպես կարելի է դարձնել վիրտուալ:
Ես իսկապես ցավում եմ այս երեխաների չստացված մանկության համար: Նրանք համացանցից բացի ուրիշ ոչնչի մասին չեն մտածում: Իրենք դա չեն զգում, բայց ես` համեմատելով իմ հետաքրքիր ու գունագեղ մանկությունը, տեսնեւմ եմ, թե որքան ձանձրալի է անցնում նրանց առօրյան:
Չգիտես ինչու այժմ բոլորն են ժամանակից առաջ վազում: Տղաները ցանկանում են, որքան հնարավոր է շուտ ինքնահաստատվել: Դրա համար սկսում են ծխել, ծանոթություններ հաստատել աղջիկների հետ: Իսկ աղջիկները դեռ 15 տարեկանը չլրացած սկսում են շպարվել և բարձրակրունկներ հագնել:Մանկությունն ուղղակի հրաշք է: Մի փորձեք շուտ մեծանալ և ձեր հիանալի տարիներն անցկացնել համակարգչի դիմաց:
Главная 
