Վարդերի տարբեր գույները տարբեր զգացմունքներ ու հույզեր են արտահայտում:
Վարդեր աճեցնող-ներից շատերը չեն կենտրոնանում գույների իմաստի վրա, այլ պարզապես ընտրում են իրենց նախընտրած վարդի գույնը:
Այնուամենայնիվ, հետաքրքիր է իմա-նալ վարդերի գույների նշանակությունը:
Կարմիր վարդերը առավել շատ, քան որևէ այլ գույն խորհրդանշում են սեր և ռոմանտիկ հարաբերություններ:Եթե տղամարդը կարմիր վարդ է նվիրում կնոջը, ապա վերջինս իսկույն ևեթ կկասկածի, որ տղամարդը ռոմանտիկ զգացմունքներ է տածում իր հանդեպ:Կարմիր վարդերը նաև դասական են:Գրականության մեջ վարդերի մասին կարդալիս պատկերացնում ենք կարմիր վարդեր:
Վարդագույն վարդերը հիմնականում որպես նվեր են տալիս:Դրանք կարեղ են ունենալ <<Շնորհակալ եմ Ձեր աջակցության համար>>-ից մինչև <<Ես մտածում եմ քո մասին>> իմաստներ:Մուգ վարդագույնը կարող եք ընտրել ակըիվ անձնավորության համար, իսկ բաց վարդագույնը՝ ամաչկոտ ու հանգիստ:
Սպիտակ վարդերը անաղարտ և իրական սիրո խորհրդանիշ են:Դրանք հիանալի նվեր են հարսնացուի, կնոջ համար, նաև երեխայի լույս աշխարհ գալու կապակցությամբ:
Դեղին վարդերը ընկերության խորհրդանիշ են:Դրանք այնքան ուրախ և պայծառ են, որ կարելի է նվիրել ցանկացած մեկին, հատկապես որևէ ուրախ առիթով:Դեղին վարդեր կարելի է նվիրել կնոջը, սիրած աղջկան, եթե նրանք սիրում են այդ գույնը, նաև գործընկերոջը, եղբորը կամ քրոջը:
Նարնջագույն վարդերը նույն նշանակությունն ունեն, ինչ դեղինները: Դրանք արտահայտում են նաև հիացմունք կամ ինչ-որ նոր բան:Եթե նոր էջ եք սկսում Ձեր կյանքում կամ առանձնահատուկ մեկի հետ պատրաստվում եք խենթ արկածի, ապա նարնջագույն վարդերը լավագույն տարբերակն են այս պարագայում:
Ծաղիկներ նվիրելիս, սակայն, ճիշտ կլինի հաշվի առնել նաև ստացողի կարծիքը. միգուցե Դուք սիրում եք դեղին գույնը, իսկ ստացողը նախընտրում է վարդագույնը: Դուք Ձեր նվերով ավելի հմտորեն կարող եք հիացնել սիրելիին, եթե մի փոքր ավել ժամանակ հատկացնեք նրա նախընտրությունները պարզելուն: