Վաղուց հայտնի է, որ գույները տրամադրության վրա ազդում են: Նույնիսկ գոյություն ունի հիվանդությունները գունային կրակների ու վառ գույների օգնությամբ բուժելու մեթոդ: Դիզայներներն առաջնորդվում են հետևյալ օրինաչափություններով:
Սպիտակ. Այս գույնի շնորհիվ տարածքն ավելի մեծ ու ընդարձակ է թվում: Սակայն սպիտակի չափից շատ լինելը կարող է հիվանդանոցի տպավորություն թողնել:
Սև գույնը ճնշում է: Բայց սևի բաց երանգները հանգստության, զովության և թարմության տպավորություն են ստեղծում:
Շագանակագույնի բացից մինչև մուգ երանգները ջերմության ու հանգստության զգացողություն են ստեղծում:
Մանուշակագույնի միայն բաց երանգները հանգստացնող ներգործություն ունեն:
Բաց երկնագույնը տեսողական ընդարձակություն է ստեղծում: Սակայն դեպի հյուսիս նայող պատուհաններ ունեցող սենյակներում այն կարող է սառը և միապաղաղ թվալ:
Վառ կանաչը խթանող, շարժուն, ուրախ գույն է, իսկ բաց կանաչը հանգստացնում է:
Դեղինը սենյակն ավելի լուսավոր է դարձնում:
Նարնջագույնը կարող է ճնշել, իսկ դեղձագույն և ծիրանագույն երանգները իրենց հարմարավետությամբ և հանգստությամբ ավելի հաճելի են դարձնում կյանքը:
Կարմիրը տաք գույն է, սակայն կարող է նաև լարվածություն առաջացնել:
Վարդագույնը՝ տաք և տրամադրող գույն է: Վարդագույնի առավել հարուստ երանգները գրգռող ներգործություն ունեն:
Главная 
