Մի՛ ասեք, որ հրաշքներ չեն լինում: Միայն անհավատ մարդիկ կարող են չհավատալ հրաշքներին, հրաշքներ իրականում լինում են: Սկսեմ ամենահասարակից. մենզնից յուրաքանչյուրը ապրում է, մի՞թե դա հրաշք չէ: Կարող ենք բողոքել կյանքից, բողոքել, որ վատ ենք ապրում, բայց մի պահ հիշեք մարդկանց, որոնք ավելի վատ են ապրում, բայց նրանք չեն բողոքում և ավելին՝ փառք են տալիս Աստծուն, որ ապրում են: Ոմանք կարող են բողոքել, որ իրենց երեխաները լավը չեն, իսկ ինչ՞ կլինի, մի պահ հիշեք այն մարդկանց, որոնք չեն կարողանում երեխաներ ունենալ: Բողոքում ենք, որ մեզ լքել է մեր սիրելին, իսկ ի՞նչ ասեն այն մարդիկ, որ օրվա ուտելու հաց չունեն: Կյանքը ինքնին հրաշք է, փորձեք ապրել առանց բողոքելու: Հրաշքներ լինում են՝ համոզված եղեք: Երբ տեսնում ես փոքրիկ երեխաներին խաղալիս, երբ նրանք քեզ անկեղծ ժպտում են իրենց անմեղ աչուկներով, մի՞թե դա հրաշք չէ: Երբ աղոթում ես ուղղակի փողոցով քայլելու ընթացքում ինչ- որ բանի համար, և ուզածդ կատարվում է, դա հրաշք չէ՞: Երբ կյանքդ փրկվում է , որ հնարավոր է մի քանի րոպե ուշացումը քո համար ճակատագրական լիներ, անդառնալի հետևանքներով: Հրաշք է անշուշտ:
Ապրեք հավատալով հրաշքներին, և մի օր ձեր կյանքում էլ շատ մեծ հրաշք տեղի կունենա:J
|