Հոգեբանները պնդում են, որ 15 րոպեում մարդիկ կարող են 3 անգամ ստել: Մինչդեռ ստելու ընթացքում ճշմարտությունը բառացիորեն«գրված էե լինում նրանց դեմքերին: Մատնում են թե դիմախաղը, թե աչքերի արտահայտությունը և հայացքի ուղղությունը, թե շարժուձևը, մի խոսքով այն ամենը, ինչը մենք աննկատ ենք համարում օտար աչքի համար: Սակայն հնարավո՞ր է միայն դիմախաղի և աչքերի արտահայտության օգնությամբ հասկանալ, որ զրուցակիցդ իսկապես ստում է: Ինչպե՞ս հասկանալ, որ մարդը ստում է: Հոգեբանները տալիս են հետևյալ օգտակար խորհուրդները...

Աչքերը: Ուշադիր նայեք մարդու աչքերին, գտեք նրա հայացքի ուղղությանը: Եթե զրուցակցիդ հայացքը դեպի վեր է ուղղված, ուղիղ կամ աջ` ամենայն հավանականությամբ նա ճշմարտությունն է ասում: Հայացքի այդ ուղղությունները ցույց են տալիս, որ մարդը խոսում է այն բաների մասին, որոնք իրականում են տեղի ունեցել: Իսկ եթե հայացքն ուղղված է դեպի ձախ կամ ներքև՝ ուրեմն մարդն այդ պահին իր երևակայության մեջ պատկերներ է հորինում, խաբում է: 

Դեմքը: Եթե ձեր ասածը զրուցակցի զարմանքն է առաջացնում, որը 10-15 վայրկյանից երկար է ձգվում, ուրեմն մարդն արդեն գիտի այն, ինչի մասին դուք նրան հայտնել եք: Բացի դրանից՝ դեմքն էլ է մատնում կեղծ զգացմունքները: Օրինակ ստի մասին է վկայում դեմքի անհամաչափ արտահայտությունը՝ ծուռ ժպիտը կամ ծամածռությունները: 
Ձեռքերն ու շարժուձևը: Եթե ձեր զրուցակիցը խաչում է ձեռքերն ու մատները` իմացեք, որ նա ուզում է ձեզնից ինչ- որ բան թաքցնել: Այդ նպատակով նա կարող է ձեռքերով վիզը շփել, ասես ինքն իրեն զսպում է, որ ճշմարտությունը չասի, գաղտնիքը չբացահայտի: